بمناسبة مرور نصف قرن على أول خطوة خطاها الإنسان على سطح القمر، أعلنت السفارة الأمريكية بالعاصمة الرباط عن مسابقة من أجل اختيار 10 شباب مغاربة لمنحهم فرصة لقاء رائد الفضاء دانيال تاني، وذلك بشراكة مع جمعية Moroccan Spacenauts، من أجل مشاركة تجربتهم في الفضاء معهم.

وأوضحت السفارة في تدوينة على صفحتها الرسمية بموقع فايسبوك أن الراغبين في المشاركة على تقديم فيديو باللغة الإنجليزية مدته دقيقتان حول الهبوط على سطح القمر، مشيرة إلى أن آخر أجل للمشاركة هو 12 فبراير.

ونشرت الصفحة الرسمية للسفارة الامريكية بالرباط على موقع التواصل الاجتماعي فايس بوك تدوينة جاء فيها :

دانيال تاني هو رائد الفضاء اللي غادي يتلاقاو به الفائزين فالمسابقة. وفهاد البوست غادي نعطيوكم نبذة مختصرة على الحياة ديالو باش نقربوكم منو أكثر.

دانيال تاني هو مهندس أمريكي تولد نهار 1 فبراير 1961 فولاية بنسيلفانيا. قرأ وحصل على شهادة البكالوريوس والماستر فالهندسة الميكانيكية من معهد ماساتشوستس للتكنولوجيا (MIT) سنة 1984. من بعد الحصول ديالو على شهادة البكالوريوس، دانيال خدم كمهندس تصميم مع شركة هيوز للطائرات. من بعد غادي يرجع معهد ماساتشوستس للتكنولوجيا باش يكمل الدراسة ديالو.

سنة 1996 غادي ينضم لمركز جونسون الفضائي باش يشارك فبرنامج لتكوين رائدي الفضاء.وغادي ينجح من بعد سنتين من التدريب فأنه يولي متخصص فالمهمات وغادي يشارك فأول رحلاته. ومن بعد غادي يكون هو وزميلته بيغي ويستون رائدي الفضاء اللي غادي يمشيو فالفضاء للمرة ال100 فالتاريخ ديال وكالة ناسا، وهادشي سنة 2007 فإحدى رحلاته إلى محطة الفضاء الدولية.

تقاعد دانيال تاني سنة 2012 وتوقف على العمل ديالو مع وكالة ناسا، وبدأ مسؤوليته كنائب رئيس عمليات الشحن في مجموعة البرامج المتقدمة التابعة لشركة العلوم المدارية، واللي غادي ينسحب منها سنة 2016 باش ينضم للمدرسة الأمريكية فاليابان كأستاذ للعلوم، الهندسة والتصميم.